سەرتاشە گەنجەکانی بەغدا رێگای نوێ دەدۆزنەوە بۆ راکێشانی موشتەری

0

لە یەکێک لە رۆژەکانی بەر لە کۆتایی ساڵی رابردوو، عەباسی ٢١ ساڵان، سەرقاڵی سەر چاککردنی موشتەرییەک بوو کاتێک بیرۆکەیەکی نوێی بۆ هات بۆ راکێشانی موشتەری زیاتر و پێکەنینیش بخاتە سەر لێوەکانیان. دوای چەند رۆژێک و نزیکبوونەوەی سەری ساڵ و کریسمس، عەباس هەستا بە جێبەجێکردنی بیرۆکەکەی و رازاندنەوەی دوکانەکەی بە دار و گلۆپی کریسمس و پۆشینی پۆشاکی بابا نوئێل لەگەڵ هاوکارەکانیدا. لە رۆژی جەژنی خۆشەویستیشدا، هەمان کاریان دوبارە کردەوە بە رازاندنەوەی دوکانەکەیان بە دڵ و گوڵی سور و پۆشاکی سوور وەکو نیشانەی جەژنی خۆشەویستی.

  • Facebook
  • Twitter
  • GooglePlus
  • Pinterest

 

 

عەباس دەڵێت: “ئەم کارەمان پێش ٧ رۆژ لە جەژنی سەری ساڵ دەست پێکرد و جلوبەرگی بابە نوئێلمان لەبەر کرد. ئەمجارەش لە یادی جەژنی خۆشەویستیدا هەستاین بە لەبەرکردنی جلوبەرگی سوور، و لە جەژنی نەورۆزیشدا جلوبەرگی تایبەت بەو بۆنەیە دەپۆشین.”

  • Facebook
  • Twitter
  • GooglePlus
  • Pinterest

 

 

لە پاڵ عەباس، سێ هاوکاری دیکەشی لە دوکانەکەدا کار دەکەن؛ خالیدی تەمەن ٢٣ ساڵان و مستەفای ١٨ ساڵان و حەسەنی ١٦ ساڵان. عەباس بە یەڵڵای گوت: “ئێمە کۆمەڵێک گەنجی یەک گەڕەکین و شانازی دەکەین بەوەی لە یەک دوکان کار دەکەین.”

  • Facebook
  • Twitter
  • GooglePlus
  • Pinterest

 

 

بە لای عەباس و هاوڕێکانیەوە، سەرتاشی هەم پیشە و هەم ئارەزووە، هەربۆیە ئەوان نەک هەرتەنها دیکۆر و جلوبەرگەکانیان جیاوازە و دەیگۆڕن، بەڵکو خزمەتگوزارییەکانیشیان جیاوازە. عەباس گوتی: “ئێمە کەرەستەی نوێ و مۆدێرن بەکار دەهێنین بۆ نیشاندانی تازەترین ستایل و داهێنان و مارکەی جیهانی. ئێمە لە رێی تازەترین ستایلەکان و پاکی دوکانەکەمان و ئەو کەرەستانەی بەکاری دەهێنین موشتەری بۆ خۆمان رادەکێشین.”

  • Facebook
  • Twitter
  • GooglePlus
  • Pinterest

سەبارەت بە دیکۆر و جلوبەرگەکان، عەباس دەڵێت: “بیرۆکەی جلوبەرگەکان هی خۆم بوو و ئامانجێکم هەیە دەمەوێت بەدی بهێنم و دەمەوێت موشتەری رابکێشم”.

  • Facebook
  • Twitter
  • GooglePlus
  • Pinterest

عەباس جگە لە راکێشانی موشتەری، دەیەوێت جەوی موشتەرییەکانی خۆش بکات بە هۆی ئەو بارودۆخە جەنگاوییەی لە وڵاتدا هەیە و دەڵێت: “ئێمە دەمانەوێت بارودۆخ و زەوقی موشتەرییەکە بگۆڕین و کاتێکی خۆشیان پێببەخشین و دەمانەوێت نیشانی بدەین کە جەنگ کاریگەری بەسەر میزاجی خەڵکەوە نییە و لە ئێستا بەغدا خاڵییە لە خوێنڕشتن و وێرانکاری.”

  • Facebook
  • Twitter
  • GooglePlus
  • Pinterest

عەباس و برادەرەکانی لە دوکانەوە چەند جارێک بە شێوەی خۆبەخش چوون بۆ سەرتاشینی ئەو هێزانەی لە دژی داعش دەجەنگن. “جاروبار من و هاورێکانم دەچینە بەرەکانی جەنگ بۆ سەرتاشینی جەنگاوەران بە خۆڕایی.”

  • Facebook
  • Twitter
  • GooglePlus
  • Pinterest

بەشێکی کۆمەڵگای عێراقی کۆنەپارێز دژی یادکردنەوەی یادەکانی کریسمس و ڤالانتاینن. سەبارەت بەوەی داخۆ عەباس لەمبارەیەوە تووشی کێشە هاتووە، دەڵێت: “نەخێر تووشی هیچ کێشەیەک نەبووین و خەڵک دلخۆش بوون بەوەی یادمان دەکردەوە. تەنانەت هەندێکیان چەند بیرۆکەیەکی جوانیشیان پێداین.”  

  • Facebook
  • Twitter
  • GooglePlus
  • Pinterest

 Hussain Amar/ Yalla

 

 

لە کاتێکدا عەباس و هاوڕێکانی سەرقاڵی چاککردنی سەری موشتەرییەکانیان بوون، عەباس گوتی: “لە یادی جەژنی نەورۆزی داهاتوو، جلوبەرگی تایبەت بەو بۆنەیە لەبەر دەکەین.”

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Comment moderation is enabled. Your comment may take some time to appear.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!