لە دواهەمین بەرهەمیدا هونەرمەندی لاوی ئازەری، سامی یوسف گۆرانییەک بە زمانی کوردی پێشکەش دەکات.

ئەم گۆرانیەش بە هەر چوار زمانی کوردی و عەرەبی و فارسی و تورکی گوتوە و لە سەرجەم ٦ خولەکی گۆرانیەکدا ٤ خولەکی تەرخان کردووە بۆ زمانی کوردی.

سامی یوسف هونەرمەندێکی ئازەربایجانییە و لە ٢٩ی تەموزی ١٩٨٠ لەدایک بووە. یەکەم بەرهەمی هونەریشی لە ساڵی ٢٠٠٣دا بڵاوکردەوە و هەوادارێکی زۆری بەدوای خۆیدا هێنا.

ئەم هونەرمەندە لە کوردستاندا هەوادارێکی زۆری هەیە و لە زۆرێک لە لێدوانەکانیشیدا بەردەوام خۆشەویستی خۆی بۆ کودستان دووپات کردوەتەوە.