عێراق گرێبەستێکی ٣٢٨ ملیۆن دۆلاری ئیمزا دەکات بۆ بەدەستهێنانی ١٠٠٠ مێگاوات کارەبا

وتەبێژی وەزارەتی کارەبا ڕایگەیاند ئەمڕۆ ڕێکەوتی ٢٥ی کانونی دووەم عێراق ڕەزامەندی دەربڕی بۆ ئیمزاکردنی گرێبەستێک لەگەڵ کۆمپانیای جەنەراڵ ئەلیکتریک  بە بەڕی ٣٢٨ ملیۆن دۆلار بۆ زیادکردنی بەرهەمی کارەبا بە ڕێژەی ١٠٠٠مێگاوات.

موسعەب مودەریس بە (رۆیتەرز)ی ڕاگەیاند بەغداد  بە درێژایی ماوەی سێ ساڵ پارەکە دەدات کە لە ساڵی ٢٠١٧ ەوە دەسپێدەکات. ئاماژەشی بەوە کرد کە کۆمپانیاکە ئامێر و چاککردنەوەی١٠ وێستگە لە سەرانسەری عێراقدا دابین دەکات.