زۆر جار دەبینین چەند شتێکی بچوک دەتوانێت چارەسەری چەندین کێشەی گەورە بکات، هەر بۆیە یەڵا دەیەوێت چەند پێشنیارێکتان پێشکەش بکات بۆ ئەوەی ژیانی هاوسەرگیریتان بەرەو باشی بڕوات:

١- پێویستە هەمیشە پشتی مێردەکەت بگریت لەو کێشانەدا کە ڕوو بەڕووی دەبێتەوە. هەوڵ بدەن پێکەوە چارەسەری بۆ بدۆزنەوە.

٢- پێویستە گرنگی بە کارەکەی بدەیت، بەردەوام لێی بپرسە بزانە کارەکانی چۆن دەڕوات، بۆ ئەوەی هەست بکات بەشێکیت لە ژیانی و تەنانەت کارەکانیشی.

٣- ڕێگای پێبدە قسە بکات و گوێی لێ بگرە کاتێک قسە دەکات و سەیری نێو چاوی بکە.

٤- پشتی بگرە کاتێک کێشەی دارایی هەبوو، و یارمەتی بدە لە خەرجی ماڵدا.

٥- پێویستە شەرم نەکەیت لە پیشاندانی جوانییەکانت و با متمانەت بەخۆتبێت.

٦- هەندێک لایەنی سۆزداری هەیە پشتگوێی مەخە. وەکو دەست گرتن و  دەربڕینی وشەی خۆشەویستی بۆی هەمیشە بیری بهێنەرەوە کە خۆشت دەوێت.

٧- لەگەڵ ئەوەشدا کە کەسو کارکاریگەری پۆسەتیڤیان هەبێت، بەڵام دەست تێوەردانیان ڕەنگە پەیوەندییەکەتان تێک بدات وڕەنگە زیاد لە پیویست بێنە ناو وردەکاری ژیانتانەوە.