Find anything you need on Yalla

الصدر يستقبل يونس واحمد راضي يصل بغداد

0

يونس واحمد نجمين عراقيين قدموا للكرة العراقية كلش هواية. صحيح يمكن أكثرية الشباب هسه ما يتذكرون الكابتن احمد وأهدافه بس الكابتن كتب تاريخ ما ينمحي، وبنفس الوقت الكابتن يونس انطى للكرة العراقية الكثير. يونس جابلنا كأس آسيا واحمد صعدنا لكأس العالم. منجزات ما تننسي لثنيناتهم ونعتز بيهم على حد سواء. ما يخفى عليكم انه الكرة العراقية دتعاني من أزمة، لكن كلنا نعرف الكرة العراقية تمرض بس ماتموت. مظاهرات واحتجاجات على الاتحاد ومطالبة بإقالة الكابتن راضي شنيشل هذي جملة ما طالب بيه الشارع الرياضي. الآن برز اسمين لقيادة موجة التغيير هذي اذا صح التعبير، يونس محمود واحمد راضي. فيونس التقى بكبار الشخصيات الرياضية وحتى قسم من الشخصيات السياسية مثل السيد مقتدى الصدر، أما احمد راضي التقى بزملاءه السابقين ووصل بغداد حتى يطالب بالإصلاح حسب تعبيره.

احمد راضي يگول نريدها “ثورة شارع” حتى نحصل التغيير الإيجابي ويونس يتشاور ويجتمع مع أهم الشخصيات.

منو بيهم الأنسب؟

Loading Facebook Comments ...

اترك رد

لن يتم نشر عنوان بريدك الإلكتروني.

Pin It on Pinterest

شارك هذا

شارك هذا

شارك هذا مع أصدقائك!