سرووشت ڕۆلی بەرچاو دەگێڕێت ‌له‌ ئیلهام وبیرۆكە به‌خشین به‌ ئه‌ندازیاران بۆ دروست كردنی بینا سەرسوڕهێنەرەكان، ڕۆڵ وکاریگەرییەک كه‌ ده‌توانین به‌‌‌ جووانی و بە ئاشکرا لە شارستانییەتی یۆنانی و ئیمپراتۆرییەکانی رۆمی کۆندا ببینین.

سرووشت‌ سه‌ره‌كیتریين بناغەی به‌خشیوە به‌ جیهانی ئه‌ندازیاری و دیزانه‌ره‌ گه‌وره‌كان، بۆ درووستكردن و خوقاندنی سه‌رنجراكیشترین بیناكانی جیهان و سەردەم، واتە دونیای ئەندازیاری سەردەمییانە توانییویەتی به‌ به‌كارهێنانی نوێترین ته‌كنه‌لۆژیا،‌ ئالۆزترین دیمه‌نه‌كانی سرووشت دووباره‌ له‌سه‌ر شێوه‌ی بینای سه‌رنجڕاكیش بنیات بنێنەوە .

لێره‌دا باس له‌ 5 به‌رهه‌می ئه‌ندازیاری ده‌كه‌ین كه‌ ڕاسته‌وخۆ له‌ سرووشته‌وه‌ ئیلهامیان وه‌رگرتووه‌ :

• یاریگای “پیكه‌ن”

ئه‌م یاریگایه‌ له‌لایه‌ن كۆمپانیای  “Herzog & De Meuron”  و بۆ یارییه‌كانی ئۆلۆمپیادی 2012ی  پیكه‌ن دیزاین کرا و زۆریک لە مرۆڤەکان شێوه‌ی ئه‌م یاریگا سەرسورهێنەرە،‌ به‌ “هێلانه‌ی باڵنده”‌ دەشۆبهێنن.

• بینای “ئه‌تمیۆم”

ئه‌م بینایه‌ له ‌سالی 1958 بۆ پێشانگای نێوده‌وڵه‌تی “ئیكسپۆ58” له‌ شاری بروكسێلی وڵاتی به‌لجیكا و‌ له‌سه‌ر شێوه‌ی “یەک كریستالی ئاسن” دروست كراوه‌ .

• پردی خولاوە :

ئه‌م پرده‌ ده‌كه‌ویته‌ سه‌ر “خه‌لیجی مارینا”،  له‌ ساڵی 2010 له‌وڵاتی سه‌نگاپوور درووست كراوه‌، و280 مه‌تر درێژه‌، خاڵی سرنجڕاکێشی ئەم بینایە ئەوەیە کە بۆ دیزاینی ئه‌م پرده،‌ ئیلهام له “‌ DNA”ی  مرۆڤ وه‌رگیراوه‌.

• مه‌كته‌بی سه‌ره‌كی ئه‌لدار :

ئه‌م بینایه‌ له‌ سالی 2010 له‌ شاری “ئه‌بوزه‌بی” دروست كراوه‌ و‌ 110 مه‌تر به‌رزه‌، ئه‌م بینا سەرسوڕهێنەرەش‌ له‌سه‌ر شێوه‌ی “سه‌ده‌فی حه‌له‌زوون” دیزاین كراوه‌.

• بینای سا‌نت میری له‌نده‌ن :

ئه‌م بینایه‌ له‌ لایان ئه‌ندازیاری به‌ناوبانگ “نۆرمه‌ن فۆرستەر) وە دیزاین كراوه‌ و بۆ دیزاینکردنی سوود له‌ “گوڵی سپێناخ” وه‌رگیراوە‌.

Loading Facebook Comments ...

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *