کنێر عەبدوڵڵا

رۆشنبیربوونی مرۆڤ گرنگییەكی تایبەتی هەیە لە ژیانی مرۆڤدا بەتایبەت بۆ خوێندکاران، چونكە بەهۆیەوە خوێندکار ئاڕاستە دەكرێت بۆ بەدەستهێنانی زانیاری ڕاست و پێكهێنانی چەمكە زانستییەكان لە ڕێگەی توێژینەوەی زانستی و ئامرازەكانییەوە.

پێواری رۆشنبیری لە نێو خوێندکاراندا، بۆتە دیاردەیەكی دیارو هۆكارگەلێكی لەپشتەوەیە، وه‌ كاریگەری و ئاسەواری خراپ بەخۆیەوە راكێش دەكات،چونكە هۆكارەكانی ته‌نها گرێدراوی قۆناغی ئێستای پەیوەندیدار نییه‌ بە سیسته‌می خوێندنەوە، بەڵكو درێژەی قۆناغەكانی خوێندنه‌.

پێویستی كۆمەڵگە بە خوێندکاری رۆشنبیر، لە ڕووی ئەكادمییەوە گرنگێتی و كاریگەرێتی هەیە بۆ پێشخستن و گه‌شه‌کردنی كۆمەڵ، بۆیە  بایەخدان پێی پێویست و گرنگه‌ لە ئاست تاك و گشتدا، ئەوەش لە ژینگەیەكەوە سەرچاوە دەگرێت كە هاندەر بێت بۆ خوێندنەوە و توێژینەوە و شیكاركردن و دەرئەنجامەكان بە ئاڕاستەی باش، بۆ ئەمە زانكۆ یەكەم شوێنە كە بتوانێت ئەو ژینگەیە فەراهەم بكات و ببێتە هاندەری خوێندکاران بۆ بایەخدان بەخۆیان لەڕووی رۆشنبیرییەوە، ئەمەو جگە لە كاركردنی سیسته‌می پەروەردە بەگشتی پێش قۆناغی زانكۆ  گرنگێتی و پێداویستی خۆی دەوێت و تەواوكەری سەركەوتنی پرۆسەكەیە لەگەڵ زانكۆدا كە بێگومان هەموو قۆناغەكانی خوێندن پێكەوە یارمەتیدەرو تەواوكەرن بۆ بونیادنانی خوێندکارێکی  رۆشنبیر تا لەپاڵ لایەنە پسپۆرییەكەیدا، وەك هاوڵاتییەكی رۆشنبیر رۆڵی هەبێت لە بونیادنان و گه‌شه‌پێدانی كۆمەڵدا.

دروستکردنی ئەو جۆرە خوێندکارانه‌، وەك ئامانجێكی گرنگ لە خوێندنی زانكۆدا بەدوور لە خواست و ویستی خودی خوێندکار بەدیهێنانی قورسە بۆ بیركردنەوەیەكی زانستی مەنهەجی، فێربوونی شارەزایی و پلان، رێكخستن و پۆلێنكردن، تەوزیفكردنی و بەرهەمهێنانی زانیارییەكان؛ ئەوەش ئەو فێربونەیە كە تاكی خوێنەر لە ڕێگەیەوە  ڕووبەڕووی  كێشە جۆربەجۆرەكانی ژیانی پێ دەبێتەوە، چونكە ژیان بریتییە لە ڕووبەڕووبونەوەی بەردەوام بە ڕووی كێشەو زەحمەتییەكاندا وە لە رێگەی فێربوونی خوێندکاره‌وه‌ ده‌بێت بۆ زانینی مەنهەجییانە لە هەردوو مەودای زانستی و بێ لایەنه‌وه‌، بەشێوەیەك تێكەڵی و ڕەنگدانەوەی هەبێت لە ڕەفتارەكانیدا، ئه‌و کات دەتوانێت ڕووبەڕووی كێشەكانی ژیانی پێ ببێتەوە.

وه‌ بێگومان زانكۆ رۆڵی گرنگ و كاریگەری هەیە لە رۆشنبیركردنی تاكدا بەگشتی، بە واتایەكی دیكە پێواری كه‌لتوری خوێندنەوە  لە كۆمەڵی رۆژهه‌ڵاتدا كاریگەری خراپ و زۆری هەیە كە وایكردووە خوێندنەوە نەبۆتە كه‌لتورێكی باوی پیادەكراو لای تاكەكان كە بێگومان دەرئەنجامی زۆری دەبێت بۆ گەشەكردنی كۆمەڵگە.

بۆیه‌ رۆشنبیربوونی مرۆڤ پرۆسەیەكە پەیوەندیدارە بە ژیانی مرۆڤەكانەوە که‌ بێگومان قۆناغەكانی ژیانی مرۆڤەكانیش تەواوكەرو لێكدانەبڕاون لەیەكتری، بۆیه‌ کارکردن له‌سه‌ر قۆناغه‌کان گرنگن که‌  بریتین لە بواری خوێندنگەكان  له‌ پێش زانكۆ،  زانكۆ و دوای ئه‌وه‌، هه‌روه‌ها  بواری كتێبخانەكان به‌گشتی .

Loading Facebook Comments ...

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *