محمد عمر موسه‌یی- كه‌له‌ك

گەنجان حەزو وخولیایان زۆرە، زۆربەشیان چیرۆكی پڕلە كۆڵ نەدانیان هەیە، كەهاندانێكە بۆ هەموو گەنجێك كە خەونی هەبێت، بەوەی بەردەوام بیت لەكار كردن بۆ بەدیهێنانی.

صلاح حسن سلیم یەكێكە لەو گەنجانەی كەباسی خەون وخولیاكانی خۆی كرد بۆ یەلڵا ووتی:

خەڵكی كەڵەكم وتەمەنم 22 ساڵە ، دەرچووی کۆلێژی ئاداب، بەشی مێژوو، زانکۆی سەلاحەدینم، سالێك پێش ئێستا تەواوم كرد ، ودەزانم لە ئێستادا هەلی دامەزراندن زۆر كەمە، بەڵام ئەمە مانای ئەوە نیە كاتەكانم هەروا بە فیرۆ بدەم ، بویه‌ بڕیام دا په‌ره‌ به‌و به‌هرانه‌ بدەم كە هەر لەمنداڵییەوە هەمە ، ئەویش هونەرە وبەتایبەت وێنە كێشان.

سەرەتا کاری وێنەکێشانم بەقەڵەمی دار( ڕصاص) دەست پێکرد، هەر وێنەیەکم کێشابێت تام و چێژێکی تایبەتی پێ بەخشیووم.

 

لەگەڵ ئەوەی خەریکی خوێندن بووم، بەڵام هەرگیز لە كاری هونەری دانەبڕاوم، ولە پشووەكان وێنەم دەكیشا وسازم دەژەنی، چونكە من حەزم لە میوزیكە وهەروەها بەشداریم لەكاری شانۆیی كردوەو، وەكو ئەكتەر بەرهەمم هەیە، بەڵام لەهەموو ئەو حەزانەم زیاتر پەیوەستم بە وێنە كێشانەوە .

 

صلاح  لەدوای بەدەست هێنانی بڕوانامەی بەکالۆریـۆس و دەرچوونـــی لە کۆلێژ زیاتر چوە نێو جیهانی هونەر، سەبارەت بەفێربوونی وێنەکێشان دەڵێت، لەڕاستی دا بەداخەوە نەمتوانیــــوە بەشداربم لەخوولەکانی کێشانی وێنە لەبەر نەگونجانی بارودۆخەكە، بەڵام پەنام بۆ ئەنتەرنێت برد، چەندین كەنـاڵی ئەکتیڤ هەن لە You tube  توانیم سودیان لی ببینم و یارمەتی دەرن بۆ ئەوکەسانەی خولیای هونەر و ئارەزووی وێنەکێشان دەکەن، بەو جۆرە من ئاستی فێربوونم بەرز كردەوە و لەم ڕێگەیەوە پەرەم پێدا، ئێستاش خاوەنی زیاتر لە حەوت تابلۆم وچەندین وێنەی دەستی خۆم ئەرشیف کردووە،  لەداهاتوویەکی نزیکدا پێشانگایەکی خنجیلانە دەکەمەوە کە ئەمە خەون و ئاواتی منداڵیــــم بووە، ودڵَنیام سه‌ركه‌وتوو ده‌بم چونكه‌ بروام بەخوم هه‌یه‌.

 

صلاح وەكو خۆبەخش كاری كردوە لە هاوكاری كردنی ئاوارەكانی سوریا وموسل، لەسەر ئاستی تاكە كەسی ولەگەل ڕێكخراوە خێرخوازییەكان .

 

صلاح  قسەی مامۆستایەكی قۆناغی ئامادەیی كاریگەری لەسەر هەبوە كە پێی وتوون هەرگیز بی ئومێد مەبن لەژیان و پێتان وانەبێت ڕۆژێك لەڕۆژان بڕوانامە بەهای نابێت، چونكە من لە دوای 15 ساڵ لە دەرچونم  ئێستا مامۆستام ووانە بە ئێوە دەڵێمەوە.

ئەوە قسەی مامۆستاكەی بوو،صلاح لەکۆتاییدا پەیامی بۆ سەرجەم گەنجان ئەوەیە کەوا، هەرگیز کۆڵ نەدەن،هەرگیز لەخاڵێک نەوەستن ، لەدوای هەر خۆرئاوابوونێک،خۆرهەڵاتنێک هەیە.

Loading Facebook Comments ...

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *