Find anything you need on Yalla

ئۆپەراسیۆنەکانی کۆنترۆڵکردنەوەی روتبە لە لایەن هێزە عێراقییەکانەوە دەستیپێکرد

0

 

يڵلا /AFP

سەرلەبەیانی رۆژی دووشەمە هێزە عێراقییەکان لە ئۆپەراسیۆنێکی فراواندا پرۆسەی گێڕانەوەی شارۆچکەی روتبە (رۆژئاوای بەغداد)یان دەست پێکرد کە لە لایەن رێکخراوی تیرۆریستی داعشەوە نزیکەی دوو ساڵە دەستی بەسەردا گیراوە.

 

لە بەیانێکدا سەرکردایەتی هاوبەشی ئەو هێزانەدا رایانگەیاند کە “سەر لەبەیانی رۆژی دووشەمە هێزەکانی سوپای عێراق هێرشێکی بەرفراوانیان کردە سەر شارۆچکەی روتبە بۆ پاککردنەوەی   لەدەست رێکخراوی تیرۆریستی داعش”، ئاماژەشیان بەوەکرد  ئەو ئۆپەراسیۆنە بە هاوبەشی لەگەڵ هێزەکانی رووبەڕوو بوونەوەی تیرۆر و پۆلیسی ئیتیحادی و پۆلیسی ئەنبار و حەشدی عەشایری ئەنجامدراوە”.
هەروەها لەو هێرشەدا تانک و تۆپ و ئەندازیاری سەربازی پاسەوانی سنوور بەشدارییان تێدا کردووە بە پشتیوانی هێزە ئاسمانییەکان و فڕۆکەکانی سوپا،  گوتیشی”ئەو ئۆپەراسیۆنە بەردەوامی دەبێت تا ناوچەکە لە دەستی ئەو چەکدارانە پاک دەبێتەوە”.

شارۆچکەی روتبە کە دەکەوێتە رۆژئاوای پارێزگای ئەنبار و رێگای سەرەکی وڵاتی ئوردونەوە لە حوزەیرانی ٢٠١٤دا لە لایەن چەکدارانی داعشەوە دەستی بەسەردا گیرا.

هێزەکانی سوپای عێراق لەم ساڵدا توانییان ناوچەیەکی فراوان لە ئەنبار رزگار بکەن کە لە لایەن ئەو رێکخراوەوە دەستی بەسەردا گیرابوو، کە دواهەمینیشیان گرتنەوەی هیت بوو.

 

بەڵام تا ئێستاش شارۆچکەی فەلوجە کە تەنها ٦٠ کیلۆمەتر دوورە لە رۆژئاوای بەغدادەوە لە ژێر دەستی رێکخراوی داعشدا ماوەتەوە ئەمەش جگە لە شاری موسڵ کە بە دووەم گەورەترین شار دادەندرێت لە عێراقدا هێشتا لە ژێر دەستی ئەو رێکخراوەدایە.

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!