Find anything you need on Yalla

داعش لە باشوری کەرکووک هیرشی پیچەوانە دەکات

0

بۆ راگرتنی بەرەوپیشچوونەکانی سوپای عیراق و پیشمەرگە، داعش لە باشوری کەرکووک هیرشی پیچەوانە دەکات

شاڵاو محەمەد – یەڵڵا  کەرکوک

فەرماندەکانی پێشمەرگە لەسنوری کەرکوک ڕایدەگەیەنن ، چەکدارانی داعش لەباشور و رۆژئاوای پارێزگاکە توانای هێرشیان لاوازبووە بەهۆی شکستەکانیان لەماوەى ڕابردوو، بەڵام لەگەڵ ئەوەشدا داعش هێشتا هیرش ئەنجام دەدەن، کە رەنگە ئامانجیان وەستاندنی بەرەوپیشچوونی هیزە کوردی و عیراقیەکان بیت بو ناوەچەکانی حەویجە و رەشاد.

 

هەفتەی ڕابردوو چەکدارانی “داعش” چەندجارێک هێرشیانکردە سەر سەنگەرەکانی پێشمەرگە ، فەرماندەیەکی پێشمەرگە دەڵێت ” شەڕی دەستە و یەخەمان لەگەڵ داعش دەست پێکردوە”.

1
  • Facebook
  • Twitter
  • GooglePlus
  • Pinterest

شەڕەکەى هەفتەى ڕابردوو ، لە گوندەکانی مەفرەقی حەویجە و مەکتەب خالید و نەوافل ی‌ لە باشوری کەرکوک ، گوندی مەنسوورییە و فولکەی وادی نەوت رۆژئاوای کەرکوک بووە ، دواى چەند کاتژمێرێک لە شەڕ و پێکدادان لەنێوان پێشمەرگە و چەکدارانى داعش هێرشەکەى داعش تێک شکێنراوە .

 

بەپێى بەدواداچوونێک ، هێرشەکانى داعش لە هەفتەى ڕابردوو بە یەک تاکیک کراوە ، ئەوەش کاتێک کەشوهەواى ناوچەکە تەمومژاوى دەبوو ، چەند چەکدارێکی خۆکوژی داعش هێرشدەکەنە سەر میحوەرەکان ، دواى خۆ تەقاندنەوەى یەکێکیان ڕووبەڕوو بونەوە دەستى پێکردوە کە دواین هێرشى داعش بەو تاکتیکە هەینى ڕابردوو 18ى ئازار بوو ، بەو هۆیەوە 4 پێشمەرگە کوژران و 7 پێشمەرگە بریندار بوون لە بەرانبەریشدا تەرمى 15 چەکدارى داعش کەوتە دەستى پێشمەرگە .

2
  • Facebook
  • Twitter
  • GooglePlus
  • Pinterest

لیوا هیوا عەبدوڵا جێگرى فەرماندەى میحوەرى باشورى کەرکوکى هێزەکانى پێشمەرگەى کوردستان ، بە (یەڵڵا) ى ڕاگەیاند ” هەفتەى ڕابردوو داعش لە هەردوو میحوەرى باشوور و رۆژئاواى کەرکوک جموجۆڵى دەستپێکردبوو ، بەڵام نەیتوانیوە هێرشەکانى بۆ سەر پێشمەرگە سەرکەوتوبێت چونکە داعش دەیەوێت بەرگرى لە ناوچەکانى ئێستاى بکات نەک هێڵى هێرشبردن بۆ گرتنەوەى ناوچەیەکى زیاتر ئەنجام بدات “.

لیوا هیوا عەبدوڵا ڕونیشدەکاتەوە ” دڵى داعش بەرەو وەستاندن دەچێت بەڵام پێشمەرگە بۆ هەموو ئەگەرەکان لە حاڵەتى ئامادەباشیدایە و لە مەترسیەکانى جوڵەى داعش نەڕەخساوە “.

3
  • Facebook
  • Twitter
  • GooglePlus
  • Pinterest

پەیامنێری (یەڵڵا) سەردانی سەنگەرەکانی پێشمەرگەى لە لیواکانی (5) و لیوای (126)  و لیوای بەرگری و فریاکەوتن کە بوە ئامانجى داعش و شەڕى تێیدا ڕویدا ، پێشمەرگەکان دەیانووت ” پێشمەرگە‌و چەکدارانی داعش تەنیا چەند مەترێک لەیەکەوە دوربون بەڵام بەهۆى تواناى هێزى هێرشبردنى پێشمەرگە و بۆردومانى فڕۆکەى هاوپەیمانان تونراوە داعش تێک بشکێنرێت “.

 

ئازاد ئەیوب پێشمەرگە لە فەوجى دووى لیواى یەکى هێزەکانى پێشمەرگە بە (یەڵڵا) ى ووت ” چەکدارە خۆکوژەکانى داعش چەند مەترێک لێمانەوە دوور بوون بەڵام بە چەکى ئارپیچى توانرا خۆکوژەکان بتەقێنرێنەوە و فرۆکەى هاوپەیمانانیش ناوچەکانى داعش ى بۆردومان بکەن و هێرشەکەیان تێک بشکێنرێت “.

4
  • Facebook
  • Twitter
  • GooglePlus
  • Pinterest

لەلایەکى ترەوە ، بەشێک لە فەرماندەکانی پێشمەرگە پێیانوایە کەپێویستە چاودێری گوندە عەرەب نشیینەکان بکرێـت کە بوونەتە سەرچاوەی زایناری بۆ داعش ، چونکە چەندین شانەی نوستووی داعش دانیان بەوەدا ناوە بەهاوکارى خەڵکە گوندشینە عەرەبەکانى نزیک لە پێشمەرگە زایناریە سەربازیەکانیان بەدەست هێناوە .

 

کەمال کەرکوکى فەرماندەى میحوەرى رۆژئاواى کەرکوکى هێزەکانى پێشمەرگەى کوردستان بە (یەڵڵا) ى ووت ” بەشێکى گوندە عەرەب نشینەکانى نزیک لە پێشمەرگە سیخورى دەکەن بەسەر جوڵە سەربازییەکانى ئێمە ، هەرکاتێک ئامادەکارى گرتنەوەى ناوچەیەک بکەین ئەوان دزەى پێدەکەن بۆ داعش ، بۆیە پلانمان هەیە بۆ بڕینى ئەو دەستە هاوکارییە “.

FOTO YALL
  • Facebook
  • Twitter
  • GooglePlus
  • Pinterest

ماوەى یەک ساڵ دەبێت ، هێزەکانی پێشمەرگە چەند گوندێکیان لەسنوری باشور و رۆژئاوای کەرکوک لەداعش پاککردەوە ، بەجۆرێک ئێستا پێشمەرگە دەڕوانێت بەسەر دەشتاییەکانی قەزاى حەویجەدا‌ و کەمتر لە 25 کیلۆمەتر لێیەوە دوورە ، بەڵام حەویجە ئازاد نەکراوە .

لەو بارەیەوە کەمال کەرکوکى ئاماژە بەوەکرد ” دەبێت مۆڵگە گەورەکەى داعش لە سنورى کەرکوک کە قەزاى حەویجەیە پاک بکرێتەوە ، ئەو کات مەترسى یەکجارى لەسەر سەنگەرەکانى پێشمەرگە نامێنێت “.

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!