Find anything you need on Yalla

سەرکردەی هێزە چەکدارەکانی داعش لە فەلوجە کوژرا‎

0

ستیڤ وارن، وتەبێژی هاوپەیمانی نێودەوڵەتی دژی داعش رایگەیاند کە سەرکردەی چەکدارانی داعش لە فەلوجە لە لێدانێکی ئاسمانی هێزەکانی هاوپەیمانان لە چوارچێوەی ئۆپەراسیۆنی ئازدکردنەوەی فەلوجەدا کوژراوە.

ئەو  کۆڵۆنێلە ئاماژەی بەوەشکرد کە “زیاتر لە حەفتا چەکدارمان کوشتووە کە لە نێویاندا ماهر بێلاوی سەرکردەی هێزەکانی رێکخراوی داعش بووە لە فەلوجە” گوتیشی “هێزەکانی هاوپەیمانان زیاتر لە بیست هێرشی جیاوازیان کردووەتە سەریان جا چ لە رێگای فڕۆکەوە بێت یاخود لە رێگای تانکە بۆمب هاوێژەکانەوە بێت.

وارن جەختیشی کردەوە “بێگومان ئەمە وا لە دوژمن ناکات کە بە تەواوی لە مەیدانی جەنگ پاشەکشە بکەن بەڵام گورزی لەم شێوەیە وا لە سەرکردەکانیان دەکات چاوبە پێگەکانیاندا بخشێننەوە”.

هێزە عێراقییەکان رۆژی دووشەمە ئۆپەراسیۆنی گێڕانەوەی فەلوجەیان دەستپێکرد کە نزیکەی ٥٠ کیلۆمەتر لە رۆژئاوای بەغدادەوە دوورە  و چەکدارانی داعش لە کانونی دووەمی ٢٠١٤ەوە دەستییان بەسەردا گرتووە.

ئێستاش نزیکەی ٥٠٠ هەزار شەڕکەر فەلوجەیان کۆنترۆڵ کردووە و هێشتاش پەنجا هەزار هاوڵاتی سڤیل لە فەلوجەداماونەتەوە و رێکخراوی داعش رێگری لە دەرچونی هاوڵاتییانی سڤیل دەکات لە ناوچەکەدا بەڵام رۆژی هەینی بە هاوکاری هێزە ئەمنییەکانی عێراق توانرا سەدان کەس لە هاوڵاتیانی سڤیلی فەلوجە رزگار بکرێت.

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!