Find anything you need on Yalla

عیراق  کۆنترۆڵی تەواوی فەلوجە دەکات

0

 

رۆژی یەکشەمە هێزەکانی عێراق ڕایانگەیاند دوای ئەوەی توانییان گەڕەکی جۆلان کە ٥٠ کلم لەرۆژئاوای بەغداوە دوورە پاک بکەنەوە، شاری فەلوجە کەیەکێکە لەگرنگترین پێگەکانی داعش بەتەواوی  لەلایەن هێزەکانییان کۆنتڕۆڵکراوە.

سەباح نوعمان وتەبێژ بەناوی دەزگای ڕوبەروبوونەوەی تیرۆر دوپاتی کردەوەکە “تەواوی شارەکەیان کۆنترۆڵکردۆتەوە”هەروەها بەئاژانسی فرانس پریسی ڕاگەیاند کە ” عەبدولوەهاب ساعدی  سەرکردەی ئۆپەراسیۆنەکانی ئازادکردنی فەلوجە ڕایگەیاندووە،  دوای ئەوەی دەزگای ڕوبەڕوبونوەی تیرۆر توانی کۆنتڕۆلی گەڕەکی جۆلان بکات کە دوایین پێگەی هێزەکانی داعش بوو،  توانیان تەواوی فەلوجە پاک بکەنەوە”.

هەروەها گوتی ”  جۆلان کە دوایین پێگەی داعشە لەم شارە ئێستا ئارامە دوورە ولەهەڕەشەی تیرۆرستانی داعش” دوپاتیشی کردەوە کە ” هێزەکانی ئاساییشی عێراق تەواوی فەلوجەیان کۆنتڕۆلکردۆتەوە”.

بەر لەدوو رۆژ ساعدی گوتبووی ” دەتوانم بڵیم کە لە ٨٠ ٪ ی شارەکە لەژێر دەسەڵاتی هێزەکانماندایە”.

هێزەکانی عێراق بەیارمەتی  حیشدی شەعبی و بەپاڵپشتی فڕۆکەکانی هاوپەیمانی نێودەوڵەتی لە بەرەبەیانی ٢٣ ی ئایاری پێشوو، بەمەبەستی کۆنترۆڵکردنەوەی فەلوجە دەستی کرد بەئۆپەراسیۆنێکی سەربازی گەورە.

فەلوجە یەکەمین شاری عێراق بوو کە لەسەرەتای ٢٠١٤ کەوتە ژێر دەستی هێزەکانی داعش، کە دواتر ئەم هێزانە لە حوزەیرانی هەمان ساڵ توانییان هێرش بکەنە سەر  باکور ورۆژئاوای عێراق بەتایبەتیش شاری موسڵ.

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!