Find anything you need on Yalla

ماراسۆنی بەغدای نێودەوڵەتی لە “شەقامی مەرگ”ی پێشو

0

لە دوای ٣٨ ساڵ، بەغدای پایتەخت میوانداری ماراسۆنێکی نێودەوڵەتی کرد بە ئامادەوونی وەرزشوانی نۆ دەوڵەت. ئەوەی شایانی باسە، ئەم ماراسۆنە لە شەقامێکدا بەڕێوەچوو کە پێشتر بە (شەقامی مەرگ) لە کاتی توندوتیژییەکان ناسرابوو.

  • Facebook
  • Twitter
  • GooglePlus
  • Pinterest

ئەم ماراسۆنە لە ڕۆژی هەینیی ٣١ کانونِی دووەمدا بەڕێوە چوو، لە ڕێگای فڕۆکەخانەی نێودەوڵەتییەوە دەستیپێکرد کە پێشتر بە “شەقامی مەرگ” ناسرابوو بەهۆی مەترسیداری ئەو ناوچەیە و کۆنترۆڵکردنیی لە لایەن ڕێکخراوی قاعیدەوە.  شەقامی فڕۆکەخانەی بەغدادی نێودەوڵەتی درێژییەکەی ١٢کیلۆمەترە و فڕۆکەخانەی بەغداد بە ناوچەی سەوزەوە دەبەستێتەوە.

 

  • Facebook
  • Twitter
  • GooglePlus
  • Pinterest

شێوازی ماراسۆنەکە بەسەر پێنج درێژی جیاوازدا دابەشکرابوو کە ئەوانیش دوو کیلۆمەتری و چوار کیلۆمەتری و شەش کیلۆمەتری و هەشت کیلۆمەتر  و دە کیلۆمەتری بوون. لە بنەڕەتدا ماراسۆنی نێودەوڵەتیی درێژییەکەی ٤٢ کیلۆمەترە بەڵام لەگەڵ ئەوەشدا ماراسۆنی بەغدادی نێودەوڵەتی سەرکەوتنێکی بەرچاوی بەدەستهێنا بە پێی ئەوەی ئەمە یەکەم ماراسۆنە لە پاش ساڵی ١٩٧٨ ەوە ئەنجام بدرێت.

 

  • Facebook
  • Twitter
  • GooglePlus
  • Pinterest

یەکێک لە رێکخەرانى ماراسۆنەکە هیواخوازە کە ئەم ماراسۆنە ببێتە هۆى جوانکردنى وێنەى بەغدا لەسەر ئاستى نێودەوڵەتی. “هیوادارین کە ئەم ماراسۆنە ببێتە یارمەتیدەر بۆ جوانکردنى وێنە بەغدا ونیشاندانى ئەوەى کە بەغدا هێمنە ودەتوانێت پاڵەوانیەتی نێودەوڵەتی میوانداری بکات” مەیسەم ئەلحەسەنى، بەرێوبەری راگەیاندنى یەکێتى یارییەکانی ئەتلێتیکی، کە رێکخەری ماراسۆنەکە واى وت.

 

  • Facebook
  • Twitter
  • GooglePlus
  • Pinterest

ئەنجامى ماراسۆنەکە بە بردنەوەى چەندین وەرزشوانى تیمەکانى سودان ومەغریب و یەمەن وسوریا تەواو بوو. لەسەر ئاستى تاکەکەسی پیاوان بۆ درێژی ژ ١٠ کیلۆمەتری یاریزانى مەغریبی (حەسەن تۆریس) پلەى یەکەمى بەدەست هێناو هەریەک لە (عەبدولمونعیم یەحیا) و (عەبدوڵڵا تورجان) لە وڵاتى سودان پلەى دووەم و سێیەمیان بەدەست هێنا.

 

  • Facebook
  • Twitter
  • GooglePlus
  • Pinterest

هەرچی دەربارەی گروپی ژنانە خانمی سودانی (ئامینە بخیت) پلەی یەکەم و (هاجەر ئەلحەدێوی) پلەی دووەم و خانمی عێراقی (فەرەح ناز) پلەی سێهەمی بەدەست هێنا.

  • Facebook
  • Twitter
  • GooglePlus
  • Pinterest

لەسەر ئاستی کوڕان،  یاریزانی یەمەنی ( یەحیا ئەحمەد) پلەی یەکەم و یاریزانی عێراقی (حسێن شەبیب) پلەی دووەم و (موسلیم باسم)ی عێراقی پلەی سێیەمی بەدەست هێنا.

  • Facebook
  • Twitter
  • GooglePlus
  • Pinterest

لەسەر ئاستی کچان دوو کچی عێراقی  پلەکانی یەکەم و دووەمیان بەدەستهێنا بە جۆرێک (ڕەنا سلێمان) پلەی یەکەم و (ودیان کەریم) پلەی دووەم و (شوکران تورکی) پلەی سێیەم.

  • Facebook
  • Twitter
  • GooglePlus
  • Pinterest

لەسەر ئاستی کورانی گەنج  یاریزانی یەمەنی( عەبدوڵا قوبانی) پلەی یەکەم و هەردوو عێراقیی (مستەفا ستار) و (حەسەن سەعد) پلەی دووەم و سێیەمیان بەدەستهێنا.

  • Facebook
  • Twitter
  • GooglePlus
  • Pinterest

لەسەر ئاستی کچانی گەنیجیش (لۆریس عزەت) ی سوری پلەی یەکەم و( زەینەب ئیبراهیم)ی عێراقی پلەی دووەم و (حەیات فەتاح) پلەی سێیەمی بەدەست هێنا.

  • Facebook
  • Twitter
  • GooglePlus
  • Pinterest

بۆ هەموو ئاستەکان بڕی ١٥٠٠ دۆلار بە براوەی یەکەم بەخشرا و ١٢٠٠ دۆلار بۆ براوەی دووەم. رێکخەران ئاماژەیان بەوەدا کە هەر دە یەکەمەکە خەڵاتی ماددی کراون.

  • Facebook
  • Twitter
  • GooglePlus
  • Pinterest

مەیسەم حەسەنی رایگەیاند کە هەموو خەرجی ماراسۆنەکە لەسەر یەکێتی یارییەکانی ئەتلێتیکی بووە و وەزارەتیش پشتیوانی بووە و هیچ کۆمپانیایەک نەبووەتە سپۆنسەر و گوتی: “لەمەودوا هەموو ساڵێک ماراسۆن رێکدەخەین. ساڵی داهاتوو ماراسۆنەکە بۆ ٢١ کیلۆمەتر درێژ دەکرێتەوە”.

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!