پێشبینی ڕوودانی چەند بوومەلەرزەیەكی بچوك دەكرێت لە چەند ناوچەیەكی كوردستان

0

به‌رزترین گوڕی ئه‌و چه‌ند بومه‌له‌رزه‌یه‌ی دوێنێ له‌ قه‌ڵادزێ و رانیه‌ی دا، 5 پۆینت 3 بووه‌ و پسپۆڕێكی جیۆلۆجیش ده‌ڵێت “چه‌ند بومه‌له‌رزه‌یه‌كی تر بۆ گێڕانه‌وه‌ی ناوچه‌كه‌ بۆ باری ئاسایی خۆی لەوانەیە ڕووبدەن .

بەڕێوەبەرایەتی کەشناسی و بوومەلەرزەزانی هەرێمی کوردستان رایگەیاند : دوای بوومەلەرزە سەرەکیەکەی راپەڕین سێ بوومەلەرزەی دیکەی پێچەوانەیی و لاوەکی لەچەند ناوچەیەکی هەرێمی کوردستان رِوویانداوە، ئەو بومەلەرزە لاوەکیيانە ترسیان لەناو خەڵکی چەند ناوچەیەکی ئیدارەی راپەڕین دروستکرد و هەندێکیان بۆ پاراستنی گیانی خۆیان شەو لە خانووەکانیان هاتنە دەرەوە و لەناو باخچە و بەردەرگای ماڵەکانیان خەوتن.  

بورهان ئیبراهیم پسپۆڕی جیۆلۆجی له‌ به‌ڕێوه‌به‌رایه‌تی كه‌شناسی و بومه‌له‌رزه‌ی سلێمانی  رایگه‌یاند، دوێنێ چوارشه‌ممه‌ چه‌ند بومه‌له‌رزه‌یه‌ك قه‌ڵادزێ و رانیه‌ و ده‌وروبه‌ری هه‌ژاند كه‌ به‌رزترینیان گوڕه‌گه‌ی 5 پۆینت 3 بووه‌ و بومه‌له‌رزه‌ سه‌ره‌كیه‌كه‌ بوه‌، ئه‌وه‌ش بۆته‌هۆی زیانی مادی، به‌ڵام هیچ زیانێگی گیانی به‌دواوه‌ نه‌بوه‌.


ئاماژه‌ی به‌وه‌شكرد، له‌ چه‌ند رۆژی داهاتودا تا چه‌ند هه‌فته‌یه‌كیش بومه‌له‌رزه‌ی بچوك رووده‌ده‌ن له‌ ناوچه‌كه‌ بۆ چوونه‌وه‌ ئاستی خۆی و گێڕانه‌وه‌ی ئه‌و دۆخه‌ نائارامه‌ بۆ پێشتر كه‌ بومه‌له‌رزه‌ گه‌وره‌كه‌ دروستیكردووه‌.

ئه‌م لێدوانه‌ له‌كاتێكدایه‌، كاتژمێر 1 و 49 خوله‌كی نیوه‌شه‌وی رابردوو بومه‌له‌رزه‌ له‌ پشده‌ر و بتوێنی ده‌ڤه‌ری راپه‌ڕین رویداوه‌ و خه‌ڵكیش له‌ دڵه‌ڕاوكێدا بوون.

لە بارەی بوومەلەرزەوە دەزگای تەندروستی پێشمەرگە ئاگادارییەكی ئاراستەی هاووڵاتیانی دەڤەری پشدەر و بتوێن كردوە وتیایدا هاتوە ، لە كاتی نەخوازراودا دەرگای نەخۆشخانەكانی كراوەیە ، ئاگاداریان دەكاتەوە كە پابەندی ڕێنمایەكانی خۆپاراستن بن لە ئەگەری دوبارەبونەوەی زەمین لەرزەدا

ئاشكراشی كردووە، لەگەڵ هیوای سەلامەتی بۆ هەمووان، نەخۆشخانەی شەهید ئەحمەد ئیسماعیل و سەرجەم نەخۆشخانەكانی دەزگای تەندروستی پێشمەرگە ئامادەیە بۆ هەر ڕوداوێكی نەخوازراو.

بەپێی زانیاری و داتاکانی بەڕێوەبەرایەتی کەشناسی و بوومەلەرزەزانی هەرێمی کوردستان لە دوێنێ ئێوارەوە ئەو بوومەلەرزانەی خوارەوە روویانداوە:

بەروار: ٢٠١٧.٨.٢٣ کات: ٠١:١٥:٥٠ ی بەیانی شوێن: چەمچەماڵ ھێز بە پێوەری رێختەر ٢.٩ پلە قوڵایی: ١٠ کم  .

بەروار: ٢٠١٧.٨.٢٣ کات: ٠١:٤٨:٤٧ ی بەیانی شوێن: قەڵادزێ ھێز بە پێوەری رێختەر: ٣.٦ پلە قوڵایی: ١٠ کم

بەروار: ٢٠١٧.٨.٢٤ کات: ٤:٤٦:١٧ ی بەیانی شوێن: قەڵادزێ ھێز بە پێوەری رێختەر: ٢.٤ پلە قوڵایی: ٨ کم

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!