Find anything you need on Yalla

کارفەر: شەڕکردن لە فەلوجەدا زۆر سەختە بەڵام هێزە عێراقییەکان سەردەکەون

0

 

محەمەد رەحیم – یەڵڵا / بەغداد

کریس کافەر، وتەبێژی فەرمی هیزە هاوبەشەکان ئاشکرایکرد  کە هیزەکانی هاوپەیمانان راهێنان و راوێژ پێشکەش بە هیزە ئەمنییەکانی عێراق دەکەن و ژمارەی ئەو کەسانەی لەو ئەرکەدا بەشدارن ژمارەیان ٦٦٠٠ کەسە، سەرەڕای ئەوەی هیزەکانی هاوپەیمانان چەندین کەرەستەی سەربازی بە بەهای ١،٦ ملیار دۆلار پێشکەش بە هیزە ئەمنییەکانی بۆ جەنگەکانی رووبەرووبوونەوەی داعش لە عێراق.

کارفەر جەختیشی کردەوە “ئەو ئۆپەراسیۆنە سەربازییانەی هێزە عێراقییەکان و هێزەکانی هاوپەیمانان ئەنجامی دەدەن بۆ سەر رێکخراوی داعش ئۆپەراسیۆنی بەردەوامن، هێزە ئەمنییەکانی عێراقیش بەرەوپێشچونی باشیان ئەنجامداوە لە جەنگی دژی داعشدا و  تواناکانی خۆیان سەلماندووە لە پلان و جێبەجێکردنی ئەرکە سەربازییەکانیاندا لەو ئۆپەراسیۆنانەدا کە ئەنجامیان داوە”.

گوتیشی “لە ماوەی چوار هەفتەی رابردوودا هێزە عێراقییەکان نەک تەنها لە فەلوجە بەڵکو لە هیت و روتبە و حەدیسە و رومادی و بێجی و مەخموریش شەڕیان لەگەڵ چەکدارانی داعشدا کردووە و لە لایەکیتریشەوە پێشمەرگە لە نزیک قەرەقوش لەگەڵ داعشدا جەنگاون و بەم شێوەیەش  هێزە ئەمنییەکانی عێراق بەردەوامن لە گێرانەوەی زەوییە داگیرکراوەکانی لای داعش، لە میانی چوار هەفتەی رابردووشدا زیاتر لە ٤٦٠ هێرشی ئاسمانیان لە عێراق و ٢٣٣ هێرشییش لە سوریا ئەنجام داوە”.

کارفەر ئاشکراشی کرد کە “هێزەکانی هاوپەیمانان ٨١ هێرشیان کردووەتە سەر داعش لە فەلوجە و لە نێوانیشیاندا ٣ هێرشی رۆژی ئێوارەی دوێنێ بووە”.

لە لێدوانێکیشدا بۆ یەڵڵا جەختی کردەوە کە “ئەو هێزانەی مارێنز کە لە مەخمور جێگیر کرابوون لە ئێستادا ناوچەکەیان جێهێشتووە و یەکەیەکی سوپای ئەمریکی کە لە ٢٠٠ سەرباز پێک دێت جێگایان گرتوونەتەوە و هەمان ئەرکەکانی مارێنز بەجێ دەگەیەنن لە میحوەری مەخمور و هاوکاری پێشکەشی هیزەکانی سوپای عێراق دەکەن بۆ بەرەو پێشچونیان بە ئاڕاستەی موسڵ”.
کارفەر پێشی وایە کە “شەرکردن لە فەلوجە ززۆر قورسە بە تایبەتی لە کاتێکدا کە هێزە ئەمنییەکان پاریزگاری لە هاوڵاتیانی سڤیلی ناوچەکە دەکەن، چونکە ئەو هیزانەی لە ناوچەکەدان دەبێت زۆر بە وریای و بە هێواشی جوڵەکانیان ئەنجام بدەن، ئێمەش هاوکارییەکانمان پێشکەشی هێزە عێراقییەکان کردووە بەو پێیەی ئەوان بتوانن گیانی هاوڵاتیانی سڤیلی فەلوجە بپارێزن لە کاتی رزگارکردنی ناوچەکەدا”.

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!