بەزۆر بەشووم دەدات !

0

کنێر عه‌بدوڵڵا

هاوسه‌رگیری له‌ ژیانی مرۆڤدا یه‌کێکه‌ له‌و قۆناغه‌ هه‌ستیارانه‌ی ئاره‌زوو و ویست و ره‌زامه‌ندی دوولایه‌نه‌ی پێویسته‌؛ چونکه‌ ده‌ستتێوه‌ردان و فشارخستنه‌ سه‌ر هه‌رلایه‌ک ده‌بێته‌ مایه‌ی ئاڵۆزی و سه‌رهه‌ڵدانی کێشه‌ی خێزانی و مرۆیی جۆراوجۆر.

” به‌زۆر به‌شووم ده‌دات !” ده‌ربڕینی خوشکێکه‌ به‌رامبه‌ر به‌ براکه‌ی؛ چونکه‌ له‌ پێناوی به‌رژه‌وه‌ندی خۆیدا و بۆ گه‌یشتن به‌و کچه‌ی حه‌زی لێکردووه‌، ده‌یه‌وێت ژن به‌ژنی پێ بکات و به‌زۆر فشاری بخاته‌ سه‌ر، هه‌تا چۆک بۆ واقعه‌که‌ بدات، ئه‌مه‌ش بێ گوێدانه‌ ویست و خواستی خوشکه‌که‌ی که‌ پێی وایه‌ هێشتا کاتی شووکردنی نه‌هاتووه‌و خوێندنی ته‌واونه‌کردووه‌ و ده‌یه‌وێت بڕوانامه‌ی زانکۆ به‌ده‌ستبهێنێ.

ئه‌نجامی ئه‌وه خوشکه‌که‌ی هه‌ست به‌ چه‌وساندنه‌وه‌، سوکایه‌تیپێکردن، پله‌دووی مرۆڤایه‌تی، مه‌ترسی،  بێزاری،  دڵه‌ڕاوکێ،  نائارامی ده‌روونی، نائومێدی و بێتاقه‌تی ده‌کات، به‌ راده‌یه‌ک که‌ هه‌ندێک جار بیر له‌ هه‌ڵهاتن یان خۆکوشتن ده‌کاته‌وه‌؛  ئه‌گه‌رچی مه‌سه‌له‌ی ژن به‌ژن هێشتا له‌ کۆمه‌ڵگه‌ی کوردیدا بوونی هه‌یه‌ و هۆکاری زۆری له‌پشته‌وه‌یه‌ له‌وانه‌؛ عه‌قڵیه‌تی پیاوسالاری، داب ونه‌ریتی کۆمه‌ڵگه‌، نه‌ریتی خێڵه‌کی، زاڵێتی ده‌سه‌ڵاتی نێرینه‌، سستی باری ئابوری، سه‌یرکردنی ژن وه‌ک کاڵایه‌ک و حساب نه‌کردن بۆ ویست و خواستی؛ به‌ڵام هیچ کام له‌و هۆکارانه‌ پاساو نین بۆ ئه‌وه‌ی ژن به‌ژن ببێته‌ بنه‌ما بۆ ئه‌نجامدانی هیچ هاوسه‌رگیرییه‌ک؛ چونکه‌ به‌ده‌ره‌ له‌ هه‌موو بنه‌مایه‌کی مرۆیی و پێشێلکارییه‌ بۆ مافه‌ سه‌ره‌تاییه‌کانی مرۆڤ. وێڕای ئه‌وه‌ ده‌بێت هاوسه‌رگیری له‌سه‌ر بنه‌مای یه‌کترناسین و قبوڵکردن بێت ،  خواستی دوولایه‌نه‌ بێت و دوور بێت له‌ ده‌ستتێوه‌ردان و فشاری که‌سوکار؛ له‌به‌ر ئه‌وه‌ی هه‌ر زۆربۆهێنان و ناچارکردنێک، دواجار په‌شیمانی. گرفتی خێزانی و کۆمه‌ڵایه‌تی جۆربه‌جۆر و جیابونه‌وه‌ی لێ ده‌که‌وێته‌وه‌.

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!