تانه‌ی منداڵ نه‌بوونم لێ ده‌دات !

0

کنێر عه‌بدوڵڵا

‌له‌دایکبوونی  منداڵ له‌ ژیانی هاوسه‌رگیریدا مافێکی ره‌وای  ژن و مێرده‌ که‌ بڕیاردانی دوولایه‌نی ده‌ێت؛ ئه‌گه‌رچی هه‌ندێک جار نابێت و هۆکاره‌که‌یشی نادیاره‌؛ به‌ڵام کێشه‌کان قوڵتر ده‌کاته‌وه‌و گرفتی جیاوازیش ده‌خاته‌وه‌.

” تانه‌ی منداڵ نه‌بوونم لێ ده‌دات !” ده‌ربڕینی ژنێکه‌ به‌رامبه‌ر به‌ مێرده‌که‌ی به‌وه‌ی به‌رده‌وام بۆڵه‌ بۆڵ ده‌کات و تانه‌ی لێ ده‌دات، له‌به‌ر ئه‌وه‌ی منداڵی نابێت؛ به‌وه‌ش ژیانی له‌ ژنه‌که‌ی تاڵ کردووه‌؛ له‌ کاتێکدا پزیشکه‌کان هیچ هۆکارێکی ته‌ندروستییان نه‌دۆزیوه‌ته‌وه‌ بۆ ده‌ستنیشانکردنی گرفته‌که‌. ئه‌وه‌ش بۆته‌ هۆی ئه‌وه‌ی مێرده‌که‌ی هه‌ڕه‌شه‌ی هێنانی ژنی‌ دووه‌می لێ بکات؛  به‌ڵام ژنه‌که‌ به‌وه‌ رازی  نییه‌ و داوای جیابونه‌وه‌ ده‌کات.  ده‌رئه‌نجام ژنه‌که‌ هه‌ست به‌ دڵته‌نگی، بێتاقه‌تی، سوکایه‌تی، چه‌وساندنه‌وه‌، نائارامی ده‌روونی و ناجێگیری ده‌کات.

راسته‌ نه‌زۆکی و گرفتی ته‌ندروستی به‌گشتی هۆکارن له‌به‌رده‌م نه‌بوونی منداڵدا؛ به‌ڵام زۆر جار هه‌ڵوێست وه‌رگرتنی زۆرێک له‌ پیاوانیش له‌ به‌رامبه‌ر ئه‌وه،‌ جێی پرسیاره‌و هۆکارگه‌لی تری له‌پشته‌وه‌یه‌ له‌وانه‌؛ حه‌زکردن به‌ منداڵ،  دیدو تێڕوانینی ئاینی، عه‌قڵیه‌تی پیاوسالاری، خۆویستی، ژینگه‌ی په‌روه‌رده‌یی، زاڵێتی ده‌سه‌ڵات، خۆبه‌زلزانین و سروستی تاکه‌کان؛  به‌ڵام هیچ کام له‌و هۆکارانه‌ پاساو نین بۆ چاره‌سه‌ری  پیاوه‌که‌؛ چونکه‌ راسته‌ بوونی منداڵ قۆناغێکی گرنگ ‌و خۆشه‌ بۆ هه‌ردوولا؛ به‌ڵام نه‌بوونیشی نابێت ببێته‌ مایه‌ی حساب نه‌کردن بۆ پێکه‌وه‌ژیان و لاوازبوونی لایه‌نی سۆزداری و هه‌ستی خۆشه‌ویستی   نێوان هاوسه‌ره‌کان یان هۆکارێک  بێت بۆ چه‌وساندنه‌وه‌و سوکایه‌تی و توندوتیژی دژ به‌ مرۆڤه‌کان و سته‌مکاری دژ به‌ ژنه‌که‌ که‌ ده‌کرێت چاره‌سه‌ری دیکه‌ی بۆ بدۆزرێته‌وه‌.

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!