ناهەقیم دەرهەق دەکرێت !

0

کنێر عه‌بدوڵڵا

بوونی لاسه‌نگی و نایه‌کسانی، جیاکاری زۆری خستۆته‌ نێو ڕه‌گه‌زه‌کانه‌وه‌؛ به‌شێوه‌یه‌ک زۆر جار ناهه‌قی و سته‌می بۆ ژنان لێ ده‌که‌وێته‌وه‌ ، ئه‌گه‌رچی توانا و لێهاتووییان هه‌بێت، به‌ڵام به‌هۆی هۆکارگه‌لێکه‌وه‌ رێیان  پێ نادرێت بچنه‌ پۆسته‌ باڵاکانه‌وه‌.

” ناهه‌قیم ده‌رهه‌ق ده‌کرێت ” ده‌ربڕینی ژنێکی فه‌رمانبه‌ره‌ که‌ ساڵانێکی زۆره‌ به‌توانا و لێزانه‌، به‌ڵام ته‌نها  وه‌ک فه‌رمانبه‌رێک له‌ شوێنی خۆیدا ماوه‌ته‌وه‌و رێگه‌ی پێ نه‌دراوه‌ پۆستی به‌ڕێوه‌به‌ری فه‌رمانگه‌که‌ی وه‌ربگرێت، جگه‌ له‌وه‌ی پیاوێک پاڵێوراوی ئه‌و پۆسته‌یه‌، ده‌رئه‌نجامی ئه‌و ناهه‌قییه‌ش، ژنه‌که‌ هه‌ست به‌ جیاکاری ره‌گه‌زی، نائومێدی، بێزاری، نایه‌کسانی ، ناهه‌قی، نادادپه‌ر‌وه‌ری و سته‌م ده‌کات.

جیاوازیکردن له‌ نێوان مرۆڤه‌کاندا له‌ رووی ره‌گه‌زییه‌وه‌ و ئه‌وله‌وییه‌تتدان به‌ پیاوێک بۆ وه‌رگرتنی باڵاترین پۆست له‌ ناوه‌نده‌کانی کارکردندا، هۆکارگه‌لێکی هه‌یه‌ له‌وانه‌ ، زاڵێتی ده‌سه‌ڵات وعه‌قڵیه‌تی پیاوسالاری، بێ متمانه‌یی به‌ تواناو لێپرسراوێتی ژنان، ته‌نها به‌هۆی مێینه‌بونییه‌وه‌، رێخۆشنه‌کردنی ده‌رفه‌ت له‌به‌رده‌م ژنان و خودی ژنان خۆیان.

ئه‌گه‌رچی هیچ کام له‌و هۆکارانه‌  پاساو نین له‌به‌رده‌م بوونی جیاوازی له‌ نێوان مرۆڤه‌کاندا؛ به‌ڵکو پێویسته‌ توانا، پسپۆری، شاره‌زایی، لێهاتوویی و ئه‌زموون ببێته‌ پێوه‌ری راسته‌قینه‌ی مرۆڤه‌کان؛ نه‌ک به‌رژه‌وه‌ندیی حزبی و ناسین و خزمایه‌تییه‌کان؛ چونکه‌ پێچه‌وانه‌که‌ی ده‌بێته‌ هۆی پێشێلکردنی مافی مرۆڤ و دیموکراسی و هۆکارێکیشه‌ بۆ دواکه‌وتنی ره‌وتی کۆمه‌ڵگه‌ به‌گشتی و چه‌وساندنه‌وه‌ی ژنان به‌تایبه‌تی، له‌هه‌مان کاتدا کاریگه‌ری خراپ ده‌خاته‌ سه‌ر ناوه‌ندی بڕیارسازی، گه‌ر ته‌نها ره‌گه‌زێک ببێته‌ دارێژه‌رو پلاندانه‌ری ستراتیژو ناوه‌نده‌کانی کار.

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!