پەیوەندیمان لە مەترسیدایە !

0

کنێر عه‌بدوڵڵا

ده‌سته‌واژه‌ی “خۆپاراستن له‌ چاره‌سه‌رکردن باشتره‌” ووته‌یه‌ک نییه‌ ته‌نها بۆ به‌رگرتن له‌ نه‌خۆشی به‌کار بێت؛ به‌ڵکو بنه‌مایه‌کی باشه‌ بۆ رێگرتن له‌ ناکۆکییه‌کانی ژیانی هاوسه‌رگیری و په‌ره‌سه‌ندنیان به‌جۆرێک که‌ هه‌ڕه‌شه‌ له‌و ژیانه‌ بکات.

” په‌یوه‌ندیمان له‌ مه‌ترسیدایه‌ !” ده‌ربڕینی ژنێکه‌ به‌رامبه‌ر به‌ مێرده‌که‌ی که‌ هه‌میشه‌ هه‌ست ده‌کات بێ هیچ هۆیه‌کی دیاریکراو ژیانیان له‌ هه‌ڕه‌شه‌دایه‌؛ چونکه‌ به‌رده‌وام ره‌فتارو تێروانینه‌کانی ده‌بێته‌ جێی باس و قسه‌کردنێکی زۆر له‌ نێوان خۆی و مێرده‌که‌یدا، به‌وه‌ش نائارامی خێزانی، دڵه‌ڕاوکی، ناجێگیری و تێکچوونی په‌یوه‌ندییه‌کان ده‌بێته‌  مایه‌ی ئاڵۆزییه‌کی زۆر. گرفته‌که‌ش له‌وه‌دایه‌ که‌ به‌ بێ بوونی کێشه‌یه‌کی سه‌ره‌کی هه‌میشه‌ ناکۆکی و مشتومڕه‌کان سه‌رهه‌ڵده‌ده‌ن.

بێگومان هۆکاری ئه‌و حاڵه‌ته‌ش زۆره‌ له‌وانه‌؛ تێنه‌گه‌یشتن له‌ بابه‌تێک یان هه‌ڵویستێکی دیاریکراو له‌ لایه‌ن یه‌کێک له‌ دوو هاوسه‌ره‌که‌ یان هه‌ردووکیانه‌وه‌، جیاوازی تێروانین، نه‌ریتی کۆمه‌ڵایه‌تی، سروشت و که‌سایه‌تی هه‌ریه‌که‌یان، شێوازو ژینگه‌ی په‌روه‌رده‌کردن، نزمی یان خراپی به‌کارهێنانی لایه‌نی ئابوری، ناهاوسه‌نگی له‌ هاوسۆزی و ده‌رنه‌بڕینی خۆشه‌ویستی لایه‌کیان بۆ ئه‌وی دی، خه‌مساردی لایه‌ک و نه‌گرتنه‌ئه‌ستۆی  به‌رپرسیارێتی و نه‌بوونی په‌یوه‌ندی تۆکمه‌ به‌ خزم و که‌سوکاری یه‌کێک له‌ دوو هاوسه‌ره‌که‌.

بوونی هه‌ریه‌ک له‌وانه‌ هۆکارن  بۆ روودانی گفتوگۆو دروستبوونی کێشه‌؛ به‌ڵام گرنگ زانین و ده‌ستنیشانکردنی جۆری کێشه‌که‌ و دانانی میکانیزمێکه‌ بۆ رێکخستنی ژیانی هاوسه‌رگیری ؛ چونکه‌ خۆدوورخستنه‌وه‌ و دیارینه‌کردنی هۆکاره‌کان په‌یوه‌ندییه‌که‌ ئاڵۆزتر ده‌کات و رووه‌و کۆتایی ده‌بات و رق و بێزاریشی لێ ده‌که‌وێته‌وه‌؛ نه‌ک چاره‌سه‌ر.

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!