Find anything you need on Yalla

چەند یاسایەکی ئەتەکێت کە گشت خانمان دەبێ بیزانن

0

ئامادەکردنی : داستان محمد

بەشی یەکەم

یاساکانی ئەتەکێت سادەن ، تەنها پێویستە کە تاقیان بکەینەوە ، هەموو کەسێک دەتوانێت یاساکانی ئەتەکێت  فێرببێت و پەیڕەویان بکات.

ئێمە لە یەڵا ەوە چەند یاسایەکی مۆدێرنەی ئەتەکێتان پێشکەس دەکەین کە پێویستە بیزانن  بۆ ئەوەی ڕێزێکی زیاتر بەدەست بهێنن لە کۆمەڵگا و ژیانتان ئاسانتر بکات.

♦ کاتێک میوانت هەیە…..

• ئەگەر میوانەکەت یەکەمجاری بوو سەردانی ماڵەکەت بکات ، ئەوا شوێنی دەستشۆردن و ئاودەستی پێ نیشان بدەن لەبەر ئەوەی لەوانەیە پێویستیان پێی بێت و شەرم بکەن پرسیار بکەن.

• ئەگەر میوانەکەت خواردن و خواردنەوە  یان شیرینی لەگەڵ خۆی هێنابوو ، ئەوا بیهێننە و لەسەر ئەو مێزەی دابنێ کە هەموویان بتوانن تامی بکەن.

♦ کاتێک تۆ میوان دەبیت….

ئەگەر لە میوانیەک یان ئاهانگێک پێویست بوو زووتر شوێنەکە جێبهێڵن ، ئەوا داوای  خولەکێک خاوەن لە  ماڵ یان خاوەن ئاهەنگەکە  بکە و پێی ڕابگەیەنە کە پێویستە بڕۆن ، دواتر خواحافیزی لە کەسانی دیکەی شوێنەکە مەکە چونکە ئەمە لەوانەیە ببێتە هۆیەک بۆ ئەوەی ئەوانیش شوێنەکە بە جێبهێڵن.

♦ لە ڕێستورانت….

• ئەگەر کەش و هەوا زۆر گەرم بوو ، ئەوا بە ڕاوەشاندنی دەستە سڕ یان باوەشێن خۆتان فێنک مەکەنەوە ، بانگی خزمەتکارەکە بکەن و پێی بڵێن کە هەوای پێویستان پێناگات و داوای لێبکەن ساردکەرەوەکە کارپێبکەن.

• کەل و پەلی جانتاکانتان لە شوێنە گشتیەکان دەرمەهێنن.

• ئەگەر پێویست بوو قژت ڕێک بخەیتەوە ، ئەوا لە ژووری دەست شۆری خانمان بیکە.

• دەکرێ لەسەر مێز سوراوەکەتان نوێ بکەنەوە ، بەڵام نابێت ماسکەرا و سپیاو لەسەر مێز بکەن ، دەبێت ئەوانیش لە ژووری دەستشۆری خانمان بکەن.

♦ یاساکانی مامەڵە کردن ….

هەرگیز یاساکانی ئەتەکێت لە بیر مەکەن تەنانەت لە ماڵەوەش ، بۆ نموونە زۆر کارێکی هەڵەیە کە لە ژوورێکەوە هاوار بکەیت بۆ ژوورەکەی تەنیشتت ، لەوانەیە لەسەر ئەم کارە ڕابێیت و لە شوینی کارەکەت دووبارەی بکەیتەوە و بەهۆیەوە  شێوەیەکی خراپت لای خەڵکی دیکە بۆ دروست بکات.

• هەڵسوکەوتی سەرمێز

• کارێکی ناشرینە کە تەنها پەرداخی خۆتان پڕ بکەنەوە ، سەرەتا لە کەسی تەنیشتت پرسیار بکە کە دەیەوێت پەرداخەکەی بۆ پڕ بکەیتەوە.

• کاتێکی زۆر بەسەرمەبە بۆ هەڵبژاردنی باشترین پارچە لە قاپەکانی سەر سفرەی نان خواردن ، تەنها نزیکترین پارچە لە خۆتەوە هەڵبژێرە

• کەوچکی سوپەکەت لەسەر مێز دامەنێ لە کاتی نان خواردن و تەنانەت دواتریش ، کەوچکەکە هەر لە ناو قاپی سوپەکە بە جێبهێڵە بۆ ئەوەی سەر مێزەکە پیس نەکەن.

• کاتێک کوپێک چاتان هەڵگرتووە ، پەنجەکانت لە پێش و دوای دەسکی کوپەکە دابنێ ، بەڵام دەتوانیت پەنجەکانت لە دەسکی کوپەکەت گرێ بدەیت ئەگەر قاوەت خواردەوە.

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!