ئاوارەكان لەم گەرمای هاوینە چۆن رۆژ بەسەر دەبەن !

0

محمد عمر موسوى

زۆربەمان لەم هاوینە كاتێك تەنها یەك كاتژمێر كارەبا دەبڕی نازانین چی بكەین وچۆن ئەم كاتژمێرە تەواو دەبێت،وزۆر جار لەبەر خۆمانەوە دەڵێن خوا یارمەتی ئاوارەكان بدات چۆن بەم گەرمایە لەو كەمپانە بەرگە دەگرن وژیان دەگوزەرێنن؟

كاتێك دەچیتە ناو كەمپەكان چەندین دیمەنی جواروجۆری ئاوارەكان دەبینی كە سەرباری گەرما كاروبارەكانیان ئەنجام دەدەن وژیان بەڕی دەكەن .

یەلڵاَ گوزەرێكی بەنێو كەمپەكانی حسن شام وچەمەكور وخازر كردو وئەم دیمەنانەی بۆ گواستنەوە :

ئەم گەنجە لە تاوى گەرما ئاوەكەی ناو قاپەكەی ڕشت بەسەری خویدا تا فێنكی ببێتەوە.

كە پیاسە دەكەی لەنێو كەمپەكە زۆربەیان كارتۆنێكیان لە دەستە باوەشینی خۆیانی پێ ‌دەكەن وكەدەچنە دەرەوەش سێبەری پی دروست دەكەن بۆ خۆیان تا رۆژ لەسەریان نەدات.
  • Facebook
  • Twitter
  • GooglePlus
  • Pinterest

منداڵەكان بۆ ئەوەی خۆیان فێنك بكەنەوە دەچنه ئەو شوینانەی كە بۆ ئاو خواردن دانراوە ئاو بە جەستەی خۆیاندا دەكەن ویاری بەئاوەكە دەكەن.

گەنجەكان  بەكۆمەڵ دەچنە روباڕی خازر كەدەكەوێتە نزیك كەمپی خازر، رۆژەكەیان پێكەوە دوور لەگەرما بەخۆشی بەسەر دەبەن.

سەرەڕای گەرما بەڵام ئاوارەكان ناوەستن لەكاركردن ،هەندێكیان لە پارچە خیوەتێك بۆ خۆیان وەكو دوكانیكیان دروست كردوە وسێبەریان بۆ كردوە  شمەك وپێداویستی رۆژانەی ئاوارەكانی تیا دەفرۆشن،وبۆخۆیان خرجی رۆژانەیان دەردەهێنن سەڕەڕای گەرما.

ئافرەتەكان كاتێگ دەچنە شوێنێك لەدەرەوەی كەمپەكە یاخود مناڵەكانیان دەبەنە نەخۆشخانەی  كەمپەكە،ئەوا خاولییەك تەڕدەكەن ودەیخەنە سەری منداڵەكانیان بۆ ئەوەی لە تیشكی خۆر بیانپارێزن.

خێزانەكان بۆ كەمیك حەسانەوە ودووركەوتنەوە لە گەرما دێنە پیش دەرگای خێوەتەكەیان تا كەمێك هەوای دەرەوە بە ر لەشیان بكەوێت.

لە پاڵ ئەم هەموو گەرمایە ش، بەلام ئەمان چوولە بۆ درووست كردنی خواردن بەكاردەهێنن.

هەندیك جاریش منداڵان سوود لەكەل وپەلی كارەبایی وكەرەستەی بینا وەردەگرن بۆ ئەوەی وەكو سیبەر لەكاتی یاریكردن ناوە ناوە پشووی لێبدەن.

ئەمە بەشێكە لە ژیانی ناو كەمپەكان وگوزەرانی ئاوارەكان ،بەڵام سەڕەڕای ئەوەش ئاوارەكان دەڵین هەرچۆنێك بێت لەسەردەمی داعش باشترە ، ورۆژێك دێت دەگەڕێینەوە وسەر لەنوێ‌ موسل بونیات دەنێین تا نەگەریینەوە ئەم دۆخە جارێكی تر.

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!