ئۆتۆمبیلێكی ڕووسی ده‌بێته‌ به‌شێك  له‌مێژوو و كلتوور بۆشارێكی كوردستان

0

 

ئا: دڵشاد سەید عەلی

لەهەر شوێنێكی باشوری كوردستان ناوی جیيپ بهێنرێت ئیدی دەبێت ناوی كەلاریشی لەپاڵدا بێت، چونكە ئەم جییپانە ماوەی نیو سەدەیە بوونەتە بەشێك لە مێژووی ئەم شارەو لە قۆناغە جیاجیاكاندا خزمەتیان بەخەڵكەكەی كردووە.

ئه‌م پیاوه‌ ماوه‌ی 28 ساڵه‌ خاوه‌نی ئه‌و جیپه‌یه‌، ده‌ڵێت ساڵانێكی زۆره‌ ئه‌و جییپه‌م  پێیه‌و ده‌ڵێت به‌هۆی هاتنی ئه‌و ژماره‌ زۆرەی ئۆتۆمبێڵی مۆدیل به‌رز له‌ ئێستادا كه‌م كه‌س جییپ به‌كار ده‌هێنێت، وتیشی دڵم نایه‌ت له‌ده‌ستی بده‌م و بیفڕۆشم

ئه‌وه‌شی وت لە ساڵی( 70) جییپ ئاخر مۆدێلی سەیارە بوو لەم شارە، سەیارەی ئاخر مۆدێل لەم شارە نەبووە وبەڕاستی ناوبانگێكی تایبه‌تی هه‌بوو ، خەڵك شانازی بەم جۆرە ئۆتۆمبێلە كردوە ئەو كاتە بەڵام ئێستا جییپ دەوری نەماوە.

جییپەكانی كەلار بەهۆی زۆریی تەمەنیان لەچاو ئۆتۆمبێلە مۆدیل بەرزەكان خێراییان زۆركەمەو هەندێك جار گرفت بۆ شۆفێرانی تر لە ڕێگەو بانەكاندا دروست دەكەن ،بەرپرسانی هاتووچۆ لەئیدارەی گەرمیان دەڵێن داوامان لەسەرووی خۆمان كردوە  بۆ ئەوەی ئەو ئۆتۆمبێلانە لەناوببرێن.

له‌ لێدوانیكی تایبه‌تدا بۆ سایتی یەڵلا كارزان مەجید وته‌بێژی هاتووچۆی گه‌رمیان وتی: جییپه‌كانی كه‌لار به‌هۆی كۆنیانه‌وه‌ و  به‌هۆی ئه‌وه‌ی خێراییان زۆر نیه‌ وه‌ك ئۆتۆمبێله‌ نوێیه‌كان، هه‌ندێك جار سه‌خڵه‌تی و قه‌ره‌باڵغی دروست ده‌كه‌ن ،بۆیه‌ داوامان له‌ حكومه‌ت كردووه‌ بۆ ئه‌وه‌ی ئه‌م ئۆتۆمبێلانه‌ له‌ناو به‌ریت وقەرەبووی خاوه‌نه‌كانیان بكاته‌وه‌ .

ساڵانێكی زۆر جییپ ڕۆڵیكی گرنگی هەبوە لەم  شارەو تەنها هۆكاری گواستنەوەی خەڵك بووە، بەڵام لە ئێستادا بەهۆی هاتنی جۆری نوێی ئۆتۆمبێلە مۆدێل بەرزەكانەوە كەسانێكی كەم گرنگی پێدەدەن .

مێژووی هاتنی جییپی ڕووسی بۆ شاری كەلار دەگەڕێتەوە بۆ پێش ساڵانی 70 ئەگەرچی بەشێكی زۆریان كۆن بوون ولەناوچون، بەڵام لە ئێستاشدا ژمارەیەكی كەمیان بەشەقامەكاندا دەسوڕینەوە .

ساڵانێكە ئەم جییپانه‌ بونەتە مێژوو و كلتور بۆ ئەم شارە ،ئەگەرچی لەم ساڵانەی دوایيدا ژمارەیەكی زۆری ئۆتۆمبیلی مۆدیل بەرز هێنرانە نێو ئەم شارەوە، بەڵام هیچ یەكێكیان وەكو جییپەكانی كەلار نەیانتوانی نازناوێك بۆخۆیان بەدەست بهێنن، بیرۆكه‌ی له‌ناوبردنی ئه‌و جییپانه‌ له‌لایه‌ن حكومه‌ته‌وه‌ ده‌بێته‌ هۆی له‌ناوبردنی به‌شێك له‌ میژوو و كلتوری ئه‌و شاره‌ .

ئه‌و جییپانه‌ی كه‌ماون زیاتر گه‌نجان گرنگی پێده‌ده‌ن و هه‌وڵ دە‌ده‌ن نوێیان بكه‌نه‌وه‌ به‌دیزاینێكی نوێ، له‌ ئێستاشدا به‌شێكی ئه‌و جییپانه‌ نرخێكی زۆریان هه‌یه‌ به‌هۆی ئه‌وه‌ی بزوێنه‌رو دیزاینه‌كه‌ی گۆڕاو ه‌،  وبه‌شێوازێكی جوان و مۆدێرن ده‌هێنرێنه‌وه‌ سه‌ر شه‌قامه‌كان .

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!