Find anything you need on Yalla

بوومەلەرزەکە چەندین کانیاوی لە گەرمیان تەقاند

0

دلشاد سەید عەلی

دوای بومەلەرزەكەی شەوی 12ی ئەم مانگه زیاتر لە ١٠ كانیاو، وسەرچاوەی ئاویی لە گوندێكی گەرمیان دروستبووە، پسپۆڕێكی فیزیاش دەڵێت، ئەو كانیاوە لە ئەنجامی جوڵەی پلێتەكانی ژێر زەوییەوە دروستبووە.

ئەو بومەلەرزە بەهێزەی كە شەوی ١٢ی ئەم مانگە بە چڕیی ڕۆژهەڵاتی كوردستان و بەشێكی باشوری كوردستانی گرتەوە، زەرەر و زیانێكی زۆری ماددی و گیانی لێكەوتەوە،  بەڵام لە گوندی (بەرلوت)ی سەر بە شارۆچكەی كەلاری ناوەندی ئیدارەی گەرمیان،  بە پێچەوانەوە بووە هۆی ئەوەی زیاتر لە ١٠ كانی و سەرچاوەی ئاویی لە گوندەكەیان هەڵقوڵێت، كە بۆ خواردنەوە و كشتوكاڵ و ئاژەڵ بەكاری دەهێنن .

جەمیل محمد مامۆستای فیزیا لەزانكۆی گەرمیان، وهاوكات شارەزا لەبواری جیۆلۆجی بۆ یەللا قسەی كردو وتی:  بەهۆی بومەلەرزەكەوە ناوچەكانی گەرمیان لەچینی ژیرەوه زەرەری زۆریان پێ گەیشتوه و گۆرانكارییەكی زۆری بەسەرهاتوه ، بەتایبەت ناوچەكانی دەربەندیخان و كەلار و باوەنور تا دەگاته چەمچەمال ، هۆكارەكەشی بۆئەوە گەڕاندەوه كه ئەو ناوچەیه لماوی و نەرمه، ئاماژەی بەوەشدا كه بەهۆی بومەلەرزەكەوه 10 كانیاو لەسنوری گەرمیان جارێكیترهەلقوڵاونەتەوه، كه لەماوەكانی ڕابردوو وشكیان كردبوو، وتیشی ئەوكانیاوەی گوندی بەرلوت ماوەی زیاتر له 50 ساڵه وشكی كردبوو،  بەلام بەهۆی بومەلەرزەكەوه جارێكیتر ئاوەكەی هەلقوڵاوەتەوه و لەئێستادا خەڵكی گوندەكه بەكاری دههێنن بۆ ئاوخواردنەوەو مەڕو ماڵاتەكانیان.

ئەو مامۆستایەی زانكۆی گەرمیان، وتیشی : دروستبوونی ئەم حاڵەتە دەگەڕێتەوە بۆ چەند هۆكارێك لەوانە، جوڵەی ئاسۆیی پلێتەكانی ژێر زەوی لەگەڵ یەكتر كە ئاڕاستەی ئاوی ژێر زەوی دەگۆڕێت لەگەڵ ئاوی سەر زەوی، یان دوو پلێت كە یەكێكیان بچێتە سەرەوە و ئەویتر نزم بێتەوە دەبێتە هۆی ئەوەی كە ئاوی ژێر زەوی لە ناوچە جیاجیاكاندا بەشێكی بێتە سەرەوە و بەشێكی بچێتە قوڵایی زەوی.

جەمیل محەمەد، وتیشی:لەوانەیە ئەم گۆڕانە بۆ هەمیشەیی بێت،  لەبەرئەوەی ئەم بومەلەرزەیەی كە ڕوویداو بە پلەی(  ٣ .٧ ) ڕێختەر بوو بومەلەرزەیەكی بەهێزبوو، بۆیە پێدەچێت چەند ساڵ بخایەنێت بۆ گەڕانەوەی ئەو ئاوانە بۆ دۆخی جارانی خۆی.

له پرسیارێكی پەیامنێری یەلڵا ،كه ئایا مەترسی ئەوه هەیه جارێكیتر ئەو كانیاوانه وشك ببنەوه كەئَیستا ئاوەكەی هاتوەته دەرەوه ؟؟ شارەزا جیۆلۆجییەكه باسی لەوەكرد كه جارێك زووه بۆ ئەوەی بلێین كه ئایه ئاوی ئەو كانیاوانه وشك دەكات یان نا ، بۆیه چاوەڕوانی ئەوەین پشكنینەكان تەواو بێ بۆ ئەوەی بۆمان دەربكەوێت كه ئەو ئاوەی ئێستا لەو كانیاوانه دێت كەمن ولەماوەیەكی نزیكدا وشك دەبیتەوه یان هەربەردەوام دەبێت بەوشیوەیەی ئێستا ،ئاماژەی بەوەدا كه بومەلەرزەكه 10 كانیاوی هەلقوڵاندو زیاتر له 10 كانیاویتری لەسنورەكه وشك كردوه ،سەبارەت بەهۆكاری  ئەوەش وتی  كه لەكاتی بومەلەرزەدا ئەو حاڵەته ڕوودەدات، چونكە زەوی لەژێرەوه دەجوڵێت و لەشوێنی خۆی نامێنێت بۆیه بەشێك لەو كانیاوانەش شوێنەكانیان دووردەبێتەوه له شوینی خۆی لەو شوێنەی پیشوی نامێنێت

سەبارەت بەوەی كه ئایه چینی ژیرەوەی زەوی ناوچەكه دەگەرێتەوه بۆ ئاستی ئاسایی پێشووی خۆی وتی : چاوەروانین جارێكیتر بومەلەرزه ڕوبداتەوه بەئاستێكی نزمتر بۆئەوەی چینی ژێرەوه بگەرێتەوه بۆ شوێنی پێشوی خۆی.

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!