لە باداوەی هەولێر، بە ڕۆمانی زەیتون فرۆش ئاشنا بن !!

0

محمد عمر موسه یی- یه للا –هه‌ولیر

ڕەنگە هیچ رۆمانێكتان نەبیستبێت بەوناوەوە  پێشتر،  بەڵام چیرۆكی ئەم زەیتون فرۆشە پڕە لە بەرەنگاريی وسەركەوتن، وكاتێك قسەی بۆ كردم  زۆر سەرنجی ڕاكێشام بە شێوەیەك گەشبینی وئاسودەیی پێ بەخشیم.

ئەو بەكەسێكی ئاسایی نەدەچوو كەتەنها زەیتون بفرۆشێت لەسەر شەقام ، وكە كەوتمە گفتو گۆ لەگەڵ ئەم گەنجە  بۆ یەلڵا وتی:  ناوم ڕۆمان تاهیر قادرە، خەڵكی هەولێرم وتەمەنم بیست وچوار ساڵە، پێنج ساڵە لە كاتژمێر نۆی بەیانییەوە هەتا یانزەی شەو لەسەر شەقامی باداوە زەیتون دەفرۆشم.

لە درێژەی قسەكانی وتی رۆمان ناوی ڕاستەقینەی خۆم نیە،  بەڵام حەزم لێیە بەوناوە بانگم بكەن، چونكە ژیانم وەكو رۆمانێك وایە، ولە ئایندەدا هیوام وایە رۆمانێكی تایبەت بەخۆم هەبێت بەگوێرەی توانا ، ڕۆمان بەهۆی كێشەیەكی خێزانی وباری ئابووری خۆی نەیتوانیوە بەردەوام بێت لە خوێندن، بۆیە بڕوانامەی نیە وتەنها تا پۆلی شەشی سەرەتایی خوێندوە، ئیتر ئەو لەو كاتەوەی وازی لەخوێندن هێناوە خەریكی كاسبی وئیش كردن بووە.  

ئەو دەیەوی بژێويی ماڵەوە دابین بكات وخوشك وبراكانی بەردەوام بن لە خوێندن.

بەڵام ئەوەی ڕۆمان جیا دەكاتەوە لە هاوتەمەنەكانی وەكو خۆی دەلێت ئەوەیە كە لەكاتی دەست بەتاڵیدا خووی نەداوەتە نەرگیلە كێشان لەقاوەخانەكان ، بەڵكو ئەو كاتانە دەقۆزێتەوە بۆ خویندنەوەی كتێب چونكە زۆر حەزی لەكتێب خۆیندنەوەیە بەتایبەت ئەو كتێبانەی فەلسەفین وخۆی لەو جۆرە كتێبانەدا دەبینێتەوە، هەروەها حەزی بەخوێندنەوەی ڕۆمان وچیرۆك وهەندێك بابەتی زانستییە بۆ ئەوەی سوودی لێ ببینێت خۆى وماڵەوەو وهاورێكانى.

ڕۆمان تەنانەت لەو كاتانەی لەسەر عەرەبانەكەی زەیتون دەفرۆشێت ئەگەر موشتەری نەبێت وكاتێكی كەمیشی هەبیت كتێبی لایە لە ناو عەرەبانەكەی هەڵیگرتوە ودەرفەتێكی هەبێت دەیخوێنێتەوە، چونكە پێی وایە تەنها سوود لەكتێب خوێندنەوە دەبینێت.

ڕۆمان دەڵێت لەوانەیە من لەچاوی خەڵك تەنها وەكو زەیتون فرۆشێكی نەخوێندەوار بناسرێم،  بەڵام من ناخێكی پڕ لە زانست وفێرخوازی وخۆشەویستی  بۆ زانست وزانیارییم هەیە.

كاتیك  سه‌یری ده‌م وچاوی رۆمانم ده‌كرد ڕومانێك بوو پڕبوو له‌گه‌شبینی وخوشه‌ویستی وئارامی ومتمانه‌ به‌خۆبوون،  ڕومان پێی وایە ژیان ده‌بێت به‌جوانی ببینین وبەرەنگاری كاته‌ ناخوشه‌كان ببینەوە ،جگه‌ له‌وه‌ش یارمه‌تی وهاوكاری خه‌ڵكانی تریش بكه‌ین كه‌ پیویستیان به‌ ئێمه‌یە ،  ئه‌م كارانه‌ش گه‌شبینی وئاسوده‌ییمان پێ‌دەبەخشێت، هه‌روه‌ها ده‌ڵیت من كه‌ كتیب ده‌خوێنمه‌وه‌ ته‌نها سوده‌كه‌ لای خۆم ناهێڵمەوە به‌ڵكو ده‌یگوازمه‌وه‌ بو خه‌ڵك له‌رێگای فه‌یسبوكه‌وە، پە‌یجێكی تایبه‌ت به‌ خوم داناوه‌ ووته‌ی جوان وبه‌هێز كه‌ كومه‌ڵگا وتاكی كه‌س سودی لی ده‌بینیت له‌كتیب ده‌رده‌هینم وبڵاوه‌ی ده‌كه‌مه‌وه‌، تا زۆرترین خه‌لك سودی لی ببینیت ، رۆمان تیروانینێكی ئاشتی خوازانه‌ی هه‌یه‌ بۆ ژیان،   وده‌ڵێت ئه‌وه‌ فێربوم  له‌و كتیبانه‌ی خوێندومەتەوە كە مروڤ هه‌میشه‌ ده‌بێت ئاشتی خواز بێت نه‌ك شه‌ڕ خواز بۆنموونه‌ من كه‌ ده‌بینم دوو كه‌س به‌شه‌ڕ دێن له‌پێش چاوم نابێت ئاگری شه‌ڕه‌كه‌ خوش بكه‌م به‌ڵكو ده‌بێت نێوه‌ند گییری بكه‌م وبه‌قسه‌ی خۆش وئاشتیانه‌ لێكیان بكه‌مه‌وه‌ وهه‌وڵی زه‌ق كردن وگه‌وره‌تركردنی نەدەم وله‌ تۆره‌ كۆمه‌لایه‌تییه‌كان بڵاوه‌ی  نه كه‌مه‌وه‌ تا ڕق وكینه‌ی خه‌ڵك زیاتر بێت، هه‌روها ده‌ڵێت ئێمه‌ی مرۆڤ بۆ چی ده‌ژین ؟ ده‌ژین بو ئه‌وەی سود بە خۆمان وده و‌روبه‌رمان ونیشتیمان بگه‌یەنین .

ڕۆمان لەڕێی یەڵلاوە بەگەنجان ده‌ڵیِت ، تكایه‌ زور كتێب بخوێننه‌وه‌ وكاتی خۆتان بەفیرۆ مەدەن له‌كافتیریا ونەرگیلە كێشان،  كەجگە لە زەرەری تەندروستی ومادی هیچ سوودێكی نیە كاتێكیش ده‌خوێننه‌وه‌ له‌ناخی دڵه‌وه‌ بخوێننه‌وه‌.

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!