لە بری كۆنسێرتی مۆسیقا، سەردانی ئەم بازاڕەی هەولێر بكە

0

محمد عمر موسه‌یی

هەر كەدەگەیتە ئەم بازاڕە، وەكو ئەوە وابێت لەكۆنسێرتێكی مۆسیقا بیت، وهەر میوزك ژەنێك بەجۆرێك دەژەنێت، ئەوەی باسی دەكەین بازاڕی باڵندەكانە لە سەیداوەی شاری هەولێركە ڕۆژانە جۆرەها باڵندە تێیدا دەكڕێت ودەفرۆشرێت.

دیمەنی زۆر جوانتریش دەبینیت، هەندێكیان باڵندەیان لەسەر دەستیان داناوە وەكو ئەوەی دوو هاوڕێ‌ بن.

یەللا لەم بازاڕە لەگەل چەند كەسێك قسەی كرد:

(عمران ڕوستەم) گەنجێكی خەڵكی هەولێرە لەناوەڕاستی بازاڕەكە وەستابوو بولبولێكی لەسەر دەست بوو وسمۆرەش بەسەر دەستی هاتو چۆ ویاری دەكرد،  ئەو ووتی لەمندالییەوە تا ئەمڕۆ كە تەمەنم 27 ساڵە ڕۆژانە دێمە ئەم بازاڕە بولبول دەكڕم ودەفڕۆشم وهەندێك جار باڵندەی تریش دەفرۆشم، تەنها چەند ساڵێك نەبێت كە بەهۆی خوێندنەوە دابڕام، بەڵام لە پاڵ ئەم حەزەی خۆم بۆ هاتن وكاركردن ومامەڵە لەم بازاڕە كاروكاسبی تریش دەكەم، وزۆر كەسی تریش هەندێكیان بۆ كات بەسەر بردن دێن وهەندێكیان بۆ كڕین وفرۆشتنی بالندە دێن.

كەسێكی ترمان هەر لەو بازاڕە دووان ناوی (عەلی رەفیق) بووتەمەن 37 ساڵ، ئەو وتی 7 ساڵە دوكانم هەیە لەم بازاڕە وتەنها كۆتر وڕیشۆلە دەفرۆشم بۆ خواردن نەك بۆ بەخێو كردن وزۆربەی جار دەیبەن بۆ تەعجیل ،چونكە لەو خواردنانەیەكە داواكاری لەسەر زۆرە ، عەلی ئاماژەی بەوەش كرد كە بازاڕی ئەوان زیاتر لەسەر كەش وهەواش وەستاوە ،لە بەر ئەوەی لەسەرما گۆشتی باڵندە خۆشتر دەبێت.

 

هەڵبەتە ئەم باڵندانە دانەوێڵەیان پێویستە وەكو خۆراكی خۆیان، وهەرباڵندەیەك خواردن ودانەوێڵەی تایبەت بە خۆی هەیە

شوان وەلید لەسەر شەقامێكی ئەم بازارە بەدەنگێكی بەرز ناوی ئەو جۆرە دانەوێلانە دەهێنێت كە بۆ فرۆشتن دایناوە، ئەو بۆ یەللا ناوی چەند دانەیەكی ووت لەوانە( گەنم، وهەرژن، وماش وزورات، وتێكەلەی كۆتر، و وكەنیاروجۆ )

لەبارەی كارو كڕیارو جوڵەی بازاڕ شوان دەڵێت: جۆرەها خەڵك ڕوو لەم بازاڕە دەكەن وەكو حەز وخولیا و هەندێك جار بۆ كڕین بەمەبەستی خواردن ، هەموو نەتەوە كانیش دێنە لامان لە كورد وعەرەب وخەڵكانی تریش،  تەنانەت بەرپرسەكانیش زۆر جار دێنە ئەم بازاڕە، قەرەباڵغترین رۆژیش هەینیە.

 

شوان عبدالرحمان خه‌ڵكی پیرمامه‌ به‌ دڵخوشییه‌وه‌ گوزه‌ری ده‌كرد بە نێو ئه‌م مه‌یدانه‌ ووڕامانگرت بۆ یەللا قسە بكات ووتی هه‌فتانه چه‌ند جارێك د ێم بو ئه‌م بازاڕه‌ بو دوو ئامانج، یه‌كێكیان ئه‌وه‌یه‌ باڵنده‌ ده‌كڕم جا بو به‌خێو كردن بێت یان بو خواردن، وئامانجی دوه‌م به‌سه‌ربردنی كاتیكی خوشه‌ له‌گه‌ل ئه‌م باڵندانه‌ چونكه‌ ئارامیم پێ ده‌به‌خشێت وجیهانێكی خۆشه‌ خه‌مه‌كانی دونیا له‌م شوینه‌ له‌بییر ده‌كه‌م، تام وچێژێكی زۆر خۆش ده‌بینم له‌گه‌ڵ بینینی ئه‌م باڵندانه‌.

بابه‌تی تر بابه‌تی هاوشێوه‌

Loading Facebook Comments ...

وه‌ڵامێك بنووسه

ئیمه‌یڵه‌كه‌ت بڵاو ناكرێته‌وه‌.

Pin It on Pinterest

بڵاوی بكه‌وه له:

بڵاوی بكه‌وه

بڵاوی بكه‌وه له‌گه‌ل هاورێكانت!